shoaib malik's Blog

 

پاکستان خصوصا پنجاب میں چند ہفتوں سے سموگ نے عوام کا جینا دوبھر کیا ہوا ہے۔ دھند سے مشابہت رکھتی یہ فضائی آلودگی سینے ، پھیپڑوں کے ساتھ ساتھ آنکھوں کو بھی بری طرح متاثر کرتی ہیں۔ اب یہ سلسلہ لاہور سے ہوتا ہوا تقریبا پورے پاکستان میں پھیل چکا ہے۔ لوگ بارش کے لئے ترس گئے ہیں کہ دو ماہ سے زمین نے بارش کا قطرہ نہیں چکھا۔ اس کی سب سے بڑی وجہ فیکٹریوں ، گاڑیوں سے نکلنے والا کثیف دھواں اور آلودگی یے مگر ہمارے بعض علما کرام اس حالت کو قیامت کی ایک نشانی بھی قرار دے رہے ہیں جس کی نشاندہی قران ان الفاظ میں کرتا ہے۔ " فَارْتَقِبْ يَوْمَ تَأْتِي السَّمَاءُ بِدُخَانٍ مُّبِينٍ۔ يَغْشَى النَّاسَ هَٰذَا عَذَابٌ أَلِيمٌ۔(سورہ دخان آیت 10،11) تو اس دن کا انتظار کرو کہ آسمان سے صریح دھواں نکلے گا۔ جو لوگوں پر چھا جائے گا۔ یہ درد دینے والا عذاب ہے۔ کچھ لوگ اسے اتفاق کریں گے اور اختلاف۔ مگر یہ ایک حقیقت ہے کہ ہم میں سے اکثریت کے اعمال و کردار زوال کا شکار ہیں۔ گلی کے نکڑ پر ریڑھی لگاتے مزدور سے لیکر ملک کے اعلی ترین عہدے تک سب موقع ملتے ہی ہاتھ صاف کرتے دکھائی دیتے ہیں۔ چاروں صوبوں کے حالات آپکے ...

پُر مسرت زندگی گزارنے کےلیے پہلی شرط یہ ہے کہ انسان اور فطرت کا بندھن ٹوٹنے نہ پائے۔‘‘ یہ الفاظ اردو ادب کے مشہور و معروف سفر نامہ نگار مستنصر حسین تارڑ کے ہیں۔ یہی بندھن موصوف کو عمر کے اِس حصے میں بھی چین سے بیٹھنے نہیں دیتا اور اِن کی کوشش ہوتی ہے کہ ہر لمحہ قدرت کی رنگینیاں دیکھتے جائیں۔ دیکھا جائے تو یہ ایک سیاح کی تعریف بھی ہے جو اپنا گھر بار چھوڑ کر دنیا کی سیاحت پر نکل کھڑے ہوتے ہیں۔ ایسے دیوانے ہر ملک و معاشرے میں کثرت سے پائے جاتے ہیں جو ایک ایک منظر کےلیے گھنے جنگلوں کے بیچوں بیچ، رواں ندیوں کے کنارے کنارے، کسی جھیل پر اترتی دھندلی خنک شام میں، پہاڑی بستیوں میں تاروں بھرے آسمان کے نیچے، سردی سے منجمد ہوتے کسی گلیشیئر پر، ریت کے سمندر میں، پرانی تاریخی تہذیبوں کے کھنڈرات میں، کیمپ یا ہوٹل کی بالکونی سے طلوع ہوتے سورج کو دیکھتے، دیوسائی جیسے سرسبز میدانوں میں، آبادیوں اور اپنوں سے کوسوں دور قدرت اور فطرت کے امتزاج کی چاہ میں بھٹکتے پھرتے ہیں؛ اور دنیاانہیں سیاح کے نام سے یاد کرتی ہے۔ پاکستان ایک ایسا ملک ہے جہاں قدرت اپنی تمام تر رعنائیوں کے ساتھ سایہ فگن ہے۔ دنیا کی ...

بسلسلہ تارڑ ڈے #PreTararDayCelebration #MyWordsMytribue میں نے اس کے گھٹنوں پر ہاتھ رکھ کہ کہا"رسول،میرے اندر منظروں کی ہوس ختم نہیں ہوتی۔۔۔ چشمے خشک نہیں ہوتے ، چراغوں کی یریاول برسوں قائم رہتی ہے۔برف زاروں کی یخ بستگی میرے بدن کو سرد نہیں کر سکی۔۔ ہر صبح میری انگلیوں سے ان پانیوں کی مہک اتی ہے جنہیں مدتوں پہلے میں نے چھوا تھا ۔۔۔یہ ہوس کب ختم ہوگی؟" "کبھی نہیں ۔۔۔" اس نے میری ہتھیلی کی پشت کو سہلایا "یہی ہوس تمہیں لکھنے پر مجبور کرتی ہے تمہیں ایسی قوت دیتی ہے جو دوسروں کے پاس نہیں ... اور میں تمہیں رشک کی نگاہ سے دیکھتا ہوں  "تم ایک خوش نصیب شخص ہو...'' "وہ میں ہوں۔۔۔۔" "لیکن..۔۔"اس نے میرے رخسار کو تھپکا" تم سے بھی زیادہ نصیب والے وہ منظر ہیں جن کے حصے میں تم ائے ہو۔۔۔ تم جس  چشمے پر جھکے جس آبشار کی پھوار سے گزرے جس جھیل کے پانیوں میں انگلیاں ڈبوئیں وہ تم سے زیادہ خوش نصیب ہیں۔" یہ وہ الفاظ تھے جو رسول حمزہ نے مستنصر حسین تارڑ کے بارے میں کہے جن کا تذکرہ مستنصر حسین تارڑ کی کتاب "یاک سرائے" میں م...

چند دن پہلے میڈیا میں ایک بچی پر تشدد کا کیس سامنے ایا۔ وہ بچی کسی جج کے گھر میں کام کرتی تھی جہاں اسے بیمانہ تشدد کا نشانہ بنایا گیا۔ بچی کی میڈیا پر تصویر اس معاشرے کی بے حسی اور ظلمت کا فسانہ سنا رہی تھی۔ سب سے افسوس ناک عمل اس واقعہ کے بعد دیکھنے میں ایا، ایک طرف بچی کے دو، دو تین تین وارث اس کیس کو پیچیدہ بنا رہے تھے تو دوسری طرف انتظامیہ نے بچی کو ہی سرے سے غائب کردیا۔یہ کیس ہمارے معاشرے پر ایک طمانچہ اور ائینہ ہے جس میں اس نظام کی غلاظت دکھتی ہے، جس طرح ایک معصوم بچی تشدد کا شکار ہوئی، پھر اسکے گھر والوں سے زبردستی صلح کروائی گئی اور جب سپریم کورٹ نے اس پر سو موٹو ایکشن لیا تو بچی ایسے غائب کردی گئج جیسے اسے اسمان نگل گیا ہو۔ کیونکہ وہ جانتے ہیں جب تک میڈیا اس خبر کو زندہ رکھے گا ہلچل مچی رہے گی کچھ دن بعد یہ خبر بھی  وقت کی دھول میں گم ہو جائے گی۔ہم میڈیا کو لاکھ برا کہیں مگر حقیقت یہی ہے یہاں سوموٹو ایکشن سے لیکر انصاف تک سب سے بڑا ہاتھ میڈیا کا ہوتا ہے۔ میڈیا اس بے حس معاشرے کو جھنجھوڑنے کی سرتوڑ کوشش کرتا ہے۔ جیسے پانامہ کیس کو حکمران جماعت وقت کی دھول سمجھ رہے تھے مگر ...

سچ بتاوں تو "نکلے تیری تلاش میں" کو میں کسی عاشق کی اپنے محبوب کی تلاش میں نکلنے کی روداد سمجھ رہا تھا مگر جوں جوں میں اس کتاب کو پڑھتا گیا کہانی کا رنگ اور میری رائے بدلتی گئی۔ نکلے تیری تلاش میں ہے تو ایک دیوانے کی روداد نہیں مگر اسکا عشق مادی نہیں ،فانی نہیں بلکہ اسکا عشق لافانی ہے حقیقی ہے۔یہ تلاش ہے کھلتے منظروں کی چاہے وہ استنبول کی ٹرین کا سفر ہو، یا ارض روم کی قدیم مکانوں کی دیدہ زیب سرخ چھتیں ہوں ، نورستان کی چوٹیوں کی بیچوں بیچ بہتا دریا کابل ہویا ایران کے گرم حمام ہوں، شہر مشہد کے امام رضا کے روضے  کا سنہری گنبد ہویا عمر خیام کا نیشاپور ہو۔ بلند و بالا نوح کا پہاڑ ہو یا پھولوں کا دیس ہالینڈ ،کانسطنطاین کا ابی محل ہو یا صوفیہ کا عظیم معبد ہو۔ او رئینٹ ایکسپریس کا سفر ہو یا شہزادوں کی جزیرے ہوں۔شہر بے مثال لنڈن ہو یا ایمسٹرڈیم کی خوبصورت نہریں۔  ہر طرف تاریخ میں لپٹے منظر اور ان منظروں کی تلاش میں نکلا ایک نورد۔ جو ان منظروں کو خوبصورت الفاظ میں پرو کہ پڑھنے والے پر اپنا سحر طاری کردیتا ہے۔ تلاش کا یہ سفر ازل سے ابد تک ہے ہر منظر اس کوہ نورد کی پیاس بڑھائے جاتا ہے ۔...

مفادات کی جنگ پاک چین دوستی ہو یا روس بھارت یاری ہمیشہ اپنے مفادات کو سامنے رکھا جاتا ہے,کوئی ملک مفادات کو پس پشت نہیں ڈالتا. پچھلے کچھ عرصے سے عالمی منظر نامے پر کچھ انتہائی  اہمیت کے حامل ملکوں کی طرف سے حالات کا رخ کسی بڑی جنگ کے طرف مڑتا محسوس ہو ا هے . کبھی ترکی روس میں طیارہ گرانے پہ تنازہ کھڑا ہو جاتا ہے تو کبھی پاک بھارت میں ممبئی, پٹھان کوٹ جیسے واقعات کشیدگی کی صورت پیدا کردیتے ہیں.اگر ہم عالمی منظر نامے کو دیکھیں تو ایک طرف عرب ممالک کے گٹھ جوڑ سے داعش کے خلاف چونتیس ملکی اتحاد کا اعلان ہوا جبکہ شام, ایران اور عراق اس اتحاد کا حصہ نہیں بنے. ان ملکوں کے مطابق یہ گٹھ جوڑ سنی ممالک کی جانب سے شیعہ کے خلاف ہونے جارہا ہے. جبکہ عرب ممالک کے مطابق یہ اتحاد داعش کے خلاف ہے مگر یہ بھی ایک حقیقت ہے کہ سعودی عرب شام میں شیعہ حکومت کے خاتمے کے لیے بھی کام کر رہا ہے. جو بھی ہو یہ ایک خالص مفادات کی جنگ ہے مگر اس جنگ کو مسلکی رنگ دینے کی کوشش کی جارہی ہے.پاکستان بھی اس,چونتیس ملکی اتحاد کاحصہ بنے جا رہا ہے جو کسی طور بھی درست نہیں.کیونکہ ایک طرف ہمارا برادر اسلامی سعودی عرب ہے تو د...

شام اہستہ اہستہ دن کو اپنی لپیٹ میں لے رہی یے,سرمائی بادلوں میں لپٹی دھند الود یہ شام اس سال کو الوداع کہہ رہی ہے. وہی سال جس میں ہم نے وطن کو خوب نوچا, ایک دوسرے کے گریبان چاک کیے,ہم شرمندہ ہیں یا رب کے تیری   اس سوہنی دھرتی کو ہم نے خون سے رنگا,خوب نافرمانیاں کی,  دوا سے لیکر دعا تک میں ملاوٹ کی, ننھے کلیوں کو بےدردی سے مسل ڈالا, جہاں بھوک سے بلکتے بچوں کی ہم انسانوں نے تو نہیں سنی مگر موت نے ان معصوموں کی بھوک کی تکلیف کی لاج رکھ لی, اس پر ہم  شرمندہ ہیں یا رب,یا رب ہر انے والا دن تو ہمیں یہ پیغام دیتا ہے کہ شب کے اندھیروں کے بعد چمکتا سورج ہوتا ہے مگر میرے وطن کی ظلمت کے اندھیرے اتنے طویل کیوں یا رب؟ من پر اداسی کا بوجھ جب حد سے بڑھ جائے تو انسوؤں میں بہہ جاتا ہے اور من ہلکا ہوجاتا ہے مگر میرے مالک ہم من پہ منوں کے حساب سے بوجھ لیے پھرتے ہیں یہ بوجھ کیسے اترے گا تیرے کرم کے سوا؟ ہم  گمراہی, مایوسی, بداعمالیوں کے گہرے بادلوں میں ہم گھرے ہوئے ہیں یارب, اس شب کو طویل نہ کر ہمیں بھی وہ روشن صبح دے جس میں امن و سکون ہو, جہاں اندر باہر سے زیادہ روشن ہو, جہاں نفس کے نہ...

اچھے معاشرے زندہ قوموں کا ائینہ ہوتے ہیں اور زندہ قومیں کسی نظریہ پہ زندگی گزارتی ہیں. افراد کے ہجوم کو ہم قوم نہیں کہتے. بدقسمتی سے پاکستان اپنی پیدائش کے ساتھ سے ہی بیرونی سازشوں کا شکار ہوتا ایا ہے جس کی مثال ہم مشرقی پاکستان کی لے سکتے ہیں اور اسکی ساری ذمہ داری ہم بھارت کے کندھے پر ڈالتے ہیں.مگر یہ حقیقت بھی روز روشن کی طرح عیاں ہے جیسے تاریخ میں مسلمانوں کو سب سے زیادہ نقصان مسلمانوں نے ہی پہنچایا ویسے ہی پاکستان کے راستے میں سب سے زیادہ مسائل ہمارے اپنے پیدا کردہ ہیں. بیرون ملک پاکستانیوں کا تشخص ہو یا اندرون ملک قانون کا احترام ہو ہم ہمیشہ سے اس میں ناکام رہے ہیں, تبدیلی کی تلاش میں جلسے جلوسوں میں تو بڑے ذوق شوق سے جاتے ہیں مگر اس 6 فٹ کے وجود کے اندر ہم نے کبھی جھانکنے کی زحمت ہی گوارا نہیں کی. یہ ہمارے اعمال ہیں جن کی سزا کبھی دہشت گردی,سیلابوں, زلزلوں یا کرپٹ حکمرانوں کی صورت میں ہم پر مسلط ہیں.  ظلم کی چکی میں پس کہ کبھی بغاوت جنم لیتی ہے تو کبھی جرائم. پاکستان میں گزشتہ 8 سالوں (2004-2012) میں مجموعی طور پر 114764 قتل کے , 138456 اغوا کے, زیادتی کے 2886 اور 35661...

ہر طرف انتہائی خوبصوت روشنیوں کی بہاریں تھی ،رات کے 9 بج رہے تھے مگر سارے شہر میں چراغاں کے باعث دن کا منظر تھا.میں بھی چہل پہل دیکھ کہ باہر نکل ایا, گل میں جگہ جگہ دودھ کی  سبیلیں لگی تھی اور کہیں کہیں لنگر تقسیم ہو رہا تھا میں بازار کی طرف مڑ گیا اچانک کانوں کو کچھ عجیب سی اواز پڑی جو موقع محل کی مناسبت سے بالکل مناسب نہ تھی مگر جوں ہی میں موڑ مڑ کے مارکیٹ کی طرف ایا اواز واضح ہوگئی ایک گاڑی بازار کےبیچو بیچ کھڑی تھی سارے دروازے کھلے اور والیم فل تھا اور ایک انتہائی واہیات انڈین گانا بج رہا تھا اور چند نوجوان لڑکے ڈانس کر رہے تھے اور اس پہ سونے پہ سہاگہ یہ کہ انکے اردگرد اچھے خاصی تعداد میں لوگ کھڑے انکے ڈانس سے محذوز ہو رہے تھے. یہ 12 ربیع الاول کا دن تھا اور محمدی امت اج حضرت محمد صلی اللہ علیہ وسلم کا ولادت کا دن منا رہے تھے .انتہائی ادب کے ساتھ اس دن کو سب نے اپنی مرضی کے مطابق منایا ہر طرف سجاوٹ, لنگر اور چہل پہل تھی. مجھے کسی کے بھی کسی طرح اس دن کو منانے سے اختلاف نہیں نہ ہی ہماری کوئی اوقات ہے کہ اپنے کسی قول فعل سے نبی پاک کی ذات صفات میں کوئی کمی یا زیادتی کرسکیں.مگر ...

پاکستان میں وی آئی پی پروٹوکول کی لعنت بہت عام  ہوچکی ہے,تپتی دوپہر ہو یا برستی بارش,طوفان ہو یا سیلاب انہیں روڈ بالکل خالی ملنا چاہیے. کوئی مریض ایمبولینس میں مر رہا ہے یا کسی بچی کا امتحان لیٹ ہورہا ہے, کسی کوکام پر جلدی پہنچنا ہے یا کسی کے اپنے پیارے کو میت کو کندھا دینا ہے سب گھنٹوں روڈ پر کھڑے کسی وزیر,مشیر وزیراعلی,وزیراعظم جیسی اعلی ہستیوں کے گزرنے تک انتظار کی سولی سے گزرتے ہیں.اسے کہتے ہیں وی  ائی پی پروٹوکول جسے لاہور,اسلام اباد کراچی سمیت ہر بڑے شہر کے شہری روزانہ برداشت کرتے ہیں. اسی برس فروری میں زرداری صاحب کے پروٹوکول کے باعث ایک عورت نے روڈ پر بچے کو جنم دیا.اور اج اسی باپ کا بیٹابلاول بھٹو کراچی میں ہسپتال کے افتتاح پر ایا تو سارا شہر بند کردیا گیا ایک غریب باپ اپنی بیٹی کو لیے ہسپتال کے باہر بھاگتا رہا مگر کوئی ایک دروازہ اسے کھلا نہ ملا کہ وہ اپنی بچی کو ایمرجنسی میں لے جاتا. وہ ہر دروازے تک گیا مگر,اسے دوسرے دروازے کی طرف بھگا دیا جاتا ایسے گھنٹہ بیت گیا اور جب وہ اندر پہنچا,تو,اسکی بسمہ اسکے ہاتھوں میں دم توڑ چکی تھی, میڈیا نے اس خبر کو اٹھایا اور اج لودھ...

ایک دفعہ کا ذکر ہے ایک لکڑہارے کے پاس ایک گدھا تھا وہ روز شہر سے جنگل جاتا, لکڑیاں کاٹتا گدھے پر لادتا اور شہر آکہ بیچ دیتا,یوں اسکی گزر بسر ہو جاتی.ہاتھ تنگ تھا مگر گزارا چل رہا تھا.ایک دن لکڑہارے کو ضرورت سے زیادہ لکڑیاں مل گئی.اس نے گدھے کو لکڑیوں سے لادنا شروع کردیا جوں جوں وہ لکڑیا لادتا چلا گیا گدھا جھکتا گیا. ایک وقت ایا گدھا پوری طرح لکڑیوں سے بھر گیا مگر چند لکڑیاں پھر بھی بچ گئی لکڑہارے نے سوچا بس یہ اخری اور ایک اور لکڑی رکھ دی پھر سوچا بس یہ اخری اور ایک لکڑی رکھ دی,  کرتے کرتےایک لکڑی بچ گئی لکڑہارےنے جونہی وہ اخری لکڑی گدھے پر رکھی گدھا دھڑم سے نیچے ارہا اور ساری لکڑیاں بکھر گئی. ہمارا موجودہ نظام بھی بالکل اسی طرز پر جاری ہے, حکمرانوں کی مثال لکڑہارے کی,عوام کی گدھے اور لکڑیاں ان مثائل کی نشاندہی کرتی ہیں جو ہمارے حکمران برسوں سے اس عوام کے کندھوں پر لادے جا رہے ہیں. بدقسمتی سے ہمیں ایسے حکمران ملے جنہوں نے افتوں سے لیکر عوامی فلاح کے منصوبوں تک صرف سیاست کی اورنعرہ ہمیشہ خدمت عوام کی کا لگایا.میٹرو,نندی پور سمیت ایسے منصوبوں کو اہمت دی جن کی تشہیر کی جاسکے. چائنہ...

کہا جاتا ہے کہ وقت ایک دریا کی ماند ہوتا ہے اور وقت کا دھارا بھی ہمیشہ اگے کو بہتا ہے اور ہر منظر, واقعہ, گزرا لمحہ ماضی کی اتھاہ گہرائیوں میں گم ہو جاتا. تاریخ کبھی اپنے اپ کو دھراتی ہے تو کبھی قومیں تاریخ سے اپنا انے والا کل کے لئے عبرت پکڑتی ہیں.قوموں کی تاریخ میں کئی سیاہ دن ایسے  اتے ہیں جو قوموں کی تاریخ بدل دیتے ہیں جیسے 9/11 امریکہ کے ساتھ ساتھ افغانستان پاکستان,سمیت ساری دنیا کو نیا,رنگ دے گیا.ایسا ہی پاکستانی تاریخ کا سیاہ ترین دنوں میں سے ایک دن 16 دسمبر کا دن بھی ہے جو مسلسل سانحات کی وجہ سے خاصی اہمیت رکھتا ہے . سب سے پہلے 16 دسمبر 1959 کے دن  لورائی کے علاقے میں شدید برف باری سے 48 افراد ہلاک ہوئے, اس دن کا دوسرا سیاہ ترین واقعہ جب 16 دسمبر 1971 کو پاکستان کا مشرقی بازو الگ کردیا گیا, 90000 پاکستانی فوجی بھارت کی قید میں چلے گئے جہاں انہوں نے قید و بند کو صعوبتیں جھیلیں.ہزاروں جانیں قربان ہوئی سینکڑوں عصمتیں پامال ہوئیں.اس سانحہ کی کئی وجوہات تھیں جن میں اہم وجہ پڑوسی دشمن بھارت کا کردار تھا مگر اس میں کچھ قصور  مغربی پاکستان کے حکمرانوں کی بے حسی اور اقتدا...

لوگ کہتے ہیں فوج پاکستان کی جمہوری حکومتوں کا تختہ گول کرتی رہی ہے مگر حقیقت تو یہ ہے پاکستان میں کبھی حقیقی جمہوریت رہی ہی نہیں.1965 میں جو حکمرانوں نے کیا جس نے ایوب خان کو مجبور کردیا تھا مارشل لا لگانے پہ, یہی حالات موجودہ نام نہاد جمہوری حکومتیں پیدا کر رہی ہیں. نیشنل ایکشن پلان پر جس طرح روڑے اٹکانے جارہے ہیں. سندھ حکومت کہتی ہے رینجرز کا کام دہشتگردی روکنا ہے جبکہ وہ تو کرپشن کے پیچھے پڑ گئے ہیں جو لیاقت علی خان کے دور سے ہوتی آرہی ہے  پھر کیسے رنگے ہاتھوں پکڑے گئی ایان علی کو مکھن سے بال کی طرح نکالا جا رہا ہے ڈاکٹر عاصم کیس پر کیسے اج وفاقی حکومت اور صوبائی حکومت میں رینجرز کے اختیارات پر بیان بازیوں کا مقابلہ جاری ہے. ڈاکٹر عاصم کو پہلے رینجرز سے نکال کے نیب کے محفوظ ہاتھوں میں پہنچایا گیا اور اب رینجرز اختیارات پر سندھ حکومت کیسے ٹال مٹول کردہی ہے دوسری طرف وفاقی حکومت بھی مفاہمت کے باعث چپ ہے صرف چوہدری نثار کہیں کہیں کچھ بولتے دکھتے ہیں اگر یہی حالات رہے تو یہ پورا نظام ہی لپیٹا جا سکتا ہے. اللہ انہیں عقل دے اور ہمیں بھی جن کے ووٹوں سے یہ حکومت میں اتے ہیں.

پاکستان پچھلے چند برسوں میں لوڈشیڈنگ,  دہشتگردی, کرپشن سمیت مختلف بحرانوں کا شکار رہا ہے. جن میں سب سے بڑا مسئلہ دہشتگردی کو قرار دیا جاتا ہے.ہمارے حکمران اسے کبھی امریکہ کی اور کبھی اپنی جنگ قرار دیتے ائے ہیں مگر ہم بلواسطہ یا بلا واسطہ اس جنگ کے شکار رہے جس کی وجہ سے  پاکستان کو گزشتہ دس برس میں بے  پناہ جانی اور مالی نقصان اٹھانا پڑا جس میں لگ بھگ دس برسوں (2003 سے 2013) میں 48397 پاکستانی شہید ہوئے.آپریشن ظرب عضب کے بعد ان واقعات میں تیزی سے کمی ائی ہے جو خوش آئند ہے مگر ہمارا اج کا موضوع ایک اور جنگ ہے جو اس ملک میں جاری ہے مگر اسکو کوئی اپنی یا پرائی جنگ نہیں کہتا.ایک ایسی جنگ جس میں پاکستان نے گزشتہ دس برسوں (2004 سے 2014) میں ہم 61887 پاکستانی کھوئے اور وہ ہیں ٹریفک حادثات. ااسارٹ (ایسوسی ایشن فار سیف انٹرنیشنل روڈ ٹریول) کے مطابق دنیا بھر میں سالانہ 1.3 ملین افراد روڈ ایکسڈنٹ میں ہلاک ہو جاتے ہیں جبکہ 20 ملین سے زائد زخمی یا معذور ہو جاتے ہیں. جبکہ ان حادثات کا شکار 50 فیصد افراد کی عمریں 15 سے 44 سال کے درمیان ہوتی ہیں. روڈ حادثات کو دنیا میں موت کی نوی...

کراچی سمیت پنجاب کے 12 اضلاع میں صورتحال الیکشن کم اوردنگل زیادہ محسوس ہو رہی ہے کہیں کراچی کے کسی پولنگ اسٹیشن میں سارا کا سارا سٹاف ہی جعلی نکلتا ہے  اور کہیں صوبائی حکمران جماعت کے پوری بیلٹ بک ٹھپوں پہ ٹھپے لگےپکڑی جاتی ہیں, کہیں راولپنڈی میں ٹھپے لگاتے پولنگ ایجنٹ پکڑا جاتا ہے تو کہیں ملتان میں گورنر کے بیٹے کی پولنگ اسٹیشن پر بے جا مداخلت سنے میں اتی ہے کہیں لانڈھی میں ایم کیو ایم مظلومیت کا مظاہرہ کرتی ہے تو کہیں وفاق کی حکمران جماعت کے حامیوں سے بیلٹ پیپرز پکڑے جاتے ہیں. ہر طرف افراتفری دیکھنے میں اتی ہے کہنے کو تو ہم میڈیا کو قصوروار ٹھہراتے ہیں مگر ہم تک ان حالات کا اصل چہرہ میڈیا ہی پہنچاتا ہے .میڈیا تو اپنے فرائض انجام دے رہا ہے مگر حکمران اور ادارے کب تک اپنے فرائض سے پہلو تہی کرتے رہیں گے. ہمیں یہ مانا ہوگا کہ چاند دیکھنے سے لیکر الیکشن کروانے تک ہم ابھی تک پتھر کے زمانے میں جی رہے ہیں.دنیا وقت کے ساتھ اپنے ہر ادارے کو جدید سہولیات سے اراستہ کر رہی ہے مگر ہمیں صرف روڈ بنانے اکھاڑے اور پھر بنانے سے فرست نہیں.  جدید طریقے اپنا کر کبھی ووٹر لسٹ کا رولا تو کبھی ...

حسب معمول وہی نتائج سامنے ا رہے ہیں جو اس بلیم گیم میں پلان کئے گئے. گزشتہ دنوں امریکی ریاست کیلیفورنیا میں فائرنگ کے تانے بانے پاکستان میں لال مسجد سے جوڑ ے جا رہے ہیں. امریکی حکام کی طرف سے  فائرنگ کی مرکزی ملزمہ تاشفین ملک کا تعلق لیہ سے بتایا جاتا ہے اور اس کو ویزہ بھی پاکستان سے جاری کیا گیا.اب تاشفین کی مولانا عبدالعزیز کے ساتھ تصاویر منظر عام پر اگئی. دنیا بھر میں جہاں بھی کوئی دہشتگردی ہو اسکے تانے بانے پاکستان یا افغانستان سے جوڑے جاتے ہیں. ابتدائی معلومات کے مطابق یہ واقعہ نجی طور پر عدم برداشت کی وجہ سے پیش ایا مگر امریکی حکومت اس واقعہ کو پاکستان سے جوڑنے پر بضد ہے تاکہ پاکستانی حکومت کو لال مسجد کے خلاف ایک اور اپریشن پر مجبور کیا جائے.

بجلی کے بل ہوں, سینما میں کسی نئی فلم کی نمائش ہو, روڈ پر بے ہنگم ٹریفک جام ہو یا کسی برانڈ کی لوٹ سیل ہو , ہر جگہ ہم جلد باز,  بے صبری کا مظاہرہ کرتے ہیں حد تو یہ ہے کہ ایک ڈاکٹر پر چند مریضوں کے بیچ بھی ہم اوپر سے فون کروا کہ سب مریضوں پر اپنے تعلقات کا رعب جما کہ جس خوش فہمی کا اظہار کرتے ہیں وہ قابل تحسین نہیں قابل اصلاح ہے. ہم اپنا محاسبہ نہیں کرتے اور گالیاں حکمرانوں کو دیتے پھرتے ہیں. افسوس کہ ہم کس بیمار ذہنیت کا شکار ہیں ہمیں اندازہ نہیں. اللہ ہی حافظ ہے ہمارا.

سمندر پار پاکستانیوں اور انسانی وسائل کی ترقی کی وزارت کے مطابق بیرون ملک پاکستانیوں کی طلب میں اضافہ ہوا ہے. گزشتہ پانچ سال کے دوران  بیرون ملک جانے والے پاکستانیوں کی تعداد 1.34 ملین تک پہنچ گئی ہے. بندہ پوچھے یہ حکومت کے لئے قابل فخر بات ہے قابل فکر؟ ملک میں مستقبل کے مخدوش حالات کی وجہ سے پاکستانی اپنے وطن اور پیاروں سے دور کام کرنے پر مجبور ہیں بجائے ملک میں روزگار کے ذدائع پیدا کرنے کی فکر یہ فخر کر رہے ہیں کہ پاکستانی دھڑا دھڑ ملک کو چھوڑ کے جا رہے ہیں. حکومت کو اس بارے میں سنجیدہ لائحہ عمل مرتب کرنے کی ضرورت ہے کہ ملک کی ابادی کی اکثریت جو نوجوانوں پر مشتمل ہے ان سے کیسے  اس ملک کو ترقی میں کردار ادا کروایا جا سکتا ہے.

میانوالی کو ضلع کا درجہ حاصل ہوئے 109 سال ہونے کو ہیں مگر یہ ضلع ارباب اختیار کی سیاست کی نظر رہا,گزشتہ دنوں میانوالی بلدیاتی انتخابات ہوئے جن میں حکومتی جماعت صرف 3 سیٹیں جیت سکی تحریک انصاف جو اجکل میانوالی کی سب سے مقبول جماعت ہے 17 سیٹیں جیت سکی. سب سے زیادہ ازاد امیدوار 38 نشستیں  جیتے جو اس بات کو بھی واضح کرتا ہے کہ گلی محلے کہ یہ الیکشن غیر جماعتی بنیادوں پر ہونے چاہیے تھے. میانوالی کی عوام کی اکثریت تحریک انصاف کو پسند کرتی ہے مگر یہاں تمام اختیارات کا منبہ مسلم لیگ ن ہے. تعمیراتی فنڈز سے لیکر بھرتیوں تک میں مسلم لیگی ایم پی اے کا حکم چلتا ہے.  یہاں سے تحریک انصاف کے جیتنے والے ایم این اے امجد خان کا کہنا ہے میری بات یہاں کا خاکروب تک نہیں سنتا ایسے میں  عوام انہیں دو سیاسی طاقتوں میں پس کہ رہ گئے ہیں اگر وہ مسلم لیگ ن جو جتوائیں تو انکی کوئی نہیں سنتا وہ اپنے لوگوں کو نوازتی ہے اور اگر وہ تحریک انصاف کو ووٹ دیں تو انکے اخیار میں ایک نالی پکی نہیں ہو سکتی اسی سب میں اس شہر کے باسی کنفیوز ہو کر رہ گئے ہیں. گزشتہ دبوں بلدیاتی انتخابات کے بعد ابھی چیئرمین کا ان...